Петропавл қаласының әкімшілік құқықбұзушылық істері жөніндегі мамандандырылған соты шетел азаматтығын алғаны туралы заңда белгіленген мерзімде хабарламаған адамның ісін қарады.
Солтүстік Қазақстан облыстық сотының мәліметінше, бұрын Қазақстан азаматы болған азамат 2020 жылғы 13 қаңтарда Ресей Федерациясының төлқұжатын алған. Алайда ол бұл туралы қазақстандық уәкілетті органдарға 30 күн ішінде хабарламай, Қазақстан азаматының төлқұжатын тапсырмаған.
Заңға сәйкес, басқа мемлекеттің азаматтығын алған адам бұл туралы құзыретті органдарға уақытылы хабарлап, Қазақстан азаматтығынан шығуға міндетті. Осы талапты бұзу әкімшілік жауапкершілікке әкеледі.
Істі қараған сот шетел азаматын Қазақстан аумағынан шығарып жіберу туралы шешім қабылдады.
turkystan.kz
