Тараз, Атырау қалаларының экологиялық жағдайлары қандай?
Кеше Сенатта Қ.Р. «Экологиялық кодексін» іске асыруға арналған Үкімет сағаты өтті. Күн тәртібінде – «жасыл» инвестицияларды тарту, үздік қолжетімді технологияларды енгізу және экологиялық бастамаларды қолдау мәселелері болды.
Сенат вице-спикері Жақып Асанов экологиялық саясаттың өңірлік стратегияларға нақты жобалар арқылы енуі, жасыл менеджерлерді даярлау және халықтың экологиялық сауаттылығын арттыру қажеттігін атап өтті. Комитет төрағасы Әли Бектаев кешенді экорұқсаттарды енгізу кәсіпорындардың жауапкершілігін арттырып, ластану деңгейін төмендетуге ықпал ететінін айтты.
Министр Ерлан Нысанбаев өндірістерді жаңғырту және 20 экологиялық анықтамалық әзірлеу жұмысы жүріп жатқанын мәлімдеді.
Үкімет сағаты қорытындысында мемлекет, бизнес және ғылымның күшін біріктіру қажеттігі айтылып, нақты ұсынымдар әзірленді.
