Қоғам болып күрескен дерттің дауасы вакцина екені әлдеқашан дәлелденген.
Алайда екпе алдым деп сақтық шараларын естен шығаруға болмайды.
Коронавирусты жеңудің жалғыз ғана жолы — вакцина салдыру деп әуелден айтылып келеді. Вакцина қабылдау арқылы кеселді дерттен қорғанатынымыз анық.
Күнделікті әлеуметтік желі, газет, телеарна арқылы бетперде тағудың, әлеуметтік арақашықтық сақтаудың, гигиеналық талаптарды орындаудың маңыздылығы айтылып жатыр.
Дей тұрғанмен сақтық шараларына селсоқ қарайтын жандар аз емес.
Бүгінде соның салдарынан елімізде ахуал күшейіп, науқастардың саны артып кетіп отыр.
Вакцина салдыру жұмыстары жүріп жатыр. Сол себепті дер кезінде екпе алғанымыз дұрыс.
Марат Сыздықбаев, Сарысу ауданы
