Қазақ шаңырағында ежелден әуелі әке, сосын ана отбасының тәрбиешісі, алғашқы ұстазы болған. Тәуелсіздіктің арқасында бүгінде «Шаңырағымыз биік, керегеміз кең, еңселі елміз» деп айта аламыз. Отбасының алтын ұя десек, сол алтын ұяның діңгегіне айналып жүрген алтын шаңырақтың бірі — отауласқандарына 58 жыл болған Есмахандар әулеті туралы азды-кем қозғай кеткенді жөн көрдік.
Амангелді Есмахан 1941 жылы 10 ақпанда Жамбыл облысы, Сарысу ауданы, Жайылма ауылында мұғалім отбасында дүниеге келген. 1948 жылы мектеп табалдырығын аттап 1958 жылы орта мектепті тәмәмдады. Мектеп бітіргеннен соң Калинин атындағы совхозда 2 жылдай жұмысшы болды. 1960-65 жылдары В.И.Ленин атындағы орта мектепте Сарысу аудандық комсомол комиттетінің жолдамасымен аға пионер вожатый болып жұмысқа жіберілді. 1965-2004 жылдар аралығында Әйтеке би атындағы орта мектепте мұғалім, оқу шеберханасының меңгерушісі болып жұмыстар атқарды. 1981 жылы Шымкент педагогикалық институтының тарих факультетін еңбектен қол үзбей жүріп бітірді. 1975 жылдан КПСС мүшесі. Еңбек еткен жылдарында мектеп өміріндегі қоғамдық жұмыстарға белсене араласқан. 1966-1970 жылдары мектептің оқушылар, оқытушылар бастауыш пария ұйымының хатшысы, 1975-1986 жылдары мектеп кәсіподақ ұйымының төрағасы болды. Саналы ғұмырында 15 жылдай саяси оқытудың жетекшісі болды. 2004 жылдан бастап зейнеттік демалыста.1991 жылы қоғамдық негізде ауылдық кеңестің төрағасы болды. Осы еңбек еткен жылдарында аудандық, облыстық, республикалық, одақтық деңгейдегі құрмет грамоталарымен, медальдармен марапатталды. 1984 жылы Сарысу аудандық құрмет тақтасына, 1985 жылы Жамбыл облыстық құрмет тақтасына ілінді. 1973,1975 жылдардағы Соцалистік жарыстың жеңімпазы. 1968 жылы ДОСААФ-тың 50 жылдық құрметіне, облыстың құрмет грамотасымен марапатталды. 1982 жылы «Қазақ ССР халық ағарту ісінің озық қызметкері» белгісін алды. 1984 жылы СССР Жоғарғы Кеңесі Президиумының шешімімен «Еңбектегі жетістігі үшін» медалін иеленді. 1984 жылы КСРО оқу министрінің құрмет грамотасымен марапатталды. 1989 жылы 13 қаңтарда «Еңбек ардагері» медалін алды.Жұбайы Балкүл Шардарбек 1949 жылы 8 қаңтарда Жамбыл облысы, Сарысу ауданы, Жайылма ауылында дүниеге келген. 1966 жылы В.И. Ленин атындағы орта мектепті күміс медальмен бітірген. Мектепте оқып жүрген кезінде қоғамдық жұмыстарға белсене қатысқан. Мектептегі сол кездегі дружина советінің председателі, комсомол комитетінің хатшысы болып, қоғамдық жұмыстарды атқарған. Сол белсенді жұмыстар үшін 1966 жылы 2 маусымда Талас аудандық комсомол комитетінің мақтау грамотасымен марапатталған.1967 жылы аудандық комсомол комитетінің жолдамасымен В.И.Ленин атындағы орта мектепке аға пионер вожатый болып жұмысқа жіберілді. Аға пионер вожатый жұмысын жақсы атқарғаны үшін, 1968 жылы ҚазЛКСМ-нің құрмет грамотасымен марапатталды.1969 жылдан бастап бастауыш сыныптарға сабақ берді. 1973 жылы Жамбыл педагогикалық институтының физика-математика факультетін математика мамандығы бойынша тамамдады. 1973 жылдан бастап 5-10 сыныптарға математика пәнінен сабақ берді. 1973 жылы КПСС мүшілегіне өтті. 1984-2004 жылдарда Шардарбек Балкүл осы (Әйтеке би) мектепте оқу ісінің меңгерушісі қызметін атқарды.Қазіргі уақытта зейнеткерлік демалысында.
Балкүл апаның жетістіктері де аз емес. 1973,1975,1981,1983,1985 жылдары аудандық оқу бөлімінің құрмет грамоталарымен марапатталды. 1983 жылы «Қазақ ССР халық ағарту ісінің озық қызметкері» белгісімен наградталды. 1983, 1985 жылдары соцалистік жарыстың жеңімпазы значогымен наградталды.Бүгінде ұлды ұяға, қызды қияға қондырған Есмахандар әулеті отандасқан 58 жыл ішінде 3 ұл, 2 қыздан 17 немересі, 7 шөбересі сүйіп отыр. Ұл — қыздары үлкен лауазымды қызметтерді абыроймен атқарып келеді. Үлкен қызы Мейрамкүл Абенова Тараз қаласы№16 мектепте химия пәнінің лаборанты болып жұмыс жасайды.Ұлы Өмірәлі Есмаханов Тараз қаласындағы дарынды балаларды дайындайтын спорт интернатында Тарих пәнінің мұғалімі. Тағы бір ұлы Әмірәлі Абенов Жайылма ауылдық балалар өнер мектебінің директоры. Қызы Айнагүл Абенова Қазақ Ұлттық университетінің қолданбалы математика мамандығы бойынша бітірген. Ұлы Асқарәлі Абенов Тараз қаласындағы мемлекеттік қызметкерлерді қайта даярлау филиалының оқу меңгерушісі.
