Ішкі істер минстрлігінің ақпаратына сәйкес өткен тәулік ішінде еліміз бойынша 40-қа жуық жол көлік апаты тіркеліп, 5 адам қаза тапты. 46 адам әртүрлі дене жарақаттарын алған деп хабарлады turkystan.kz Хабар 24 арнасына сілтеме жасап.
Ауа райының қолайсыздығына байланысты жабылған республикалық маңызы бар жолдардың барлығы ашық. Тек Ақтөбе облысындағы «Самара-Шымкент» бағытындағы тасжолында шектеу бар.
«Ауа райының бұзылуына байланысты еліміздің бірқатар өңірінде ескерту жарияланды. Ақмола облысында бұрқасын, көктайғақ күтіледі. Солтүстік Қазақстан облысында желдің екпіні секундына 20 метрге жетеді. Батыс Қазақстан облысында бұрқасын, көктайғақ. Жетісу облысының таулы аудандарында найзағай, бұршақ жауады. Түркістан, Жамбыл облыстарында қар аралас жаңбыр жаууы ықтыимал. Астанада бұрқасын, жел күшейеді»,- деп болжайды Қазгидромет.
https://turkystan.kz/article/220048-elimizde-bir-teulikte-40-ka-zhuyk-zhol-apaty-tirkeldi/
