https://turkystan.kz/article/260686-elimizde-zeinetkerlerge-zandy-otemaqy-tolendi
Ақмола облысында прокурорлар зейнетке шыққан ондаған қызметкерге заңды өтемақысы төленбегенін анықтады, деп хабарлады Бас прокуратура.
Қазіргі заңнамаға сәйкес, зейнеткерлік жасқа толған қызметкерге кемінде бір ай бұрын хабарлау және бір лауазымдық жалақы мөлшерінде өтемақы төлеу керек. Ал Көкшетауда 20-дан астам азаматтың конституциялық құқықтары бұзылды. Қалалық білім беру ұйымдары зейнеткерлікке шыққан қызметкерлерге өтемақыны төлемеген.
«Мәселен, қаладағы балабақшалардың бірінде үш қызметкерге жалпы сомасы 800 мың теңгеден асатын бір лауазымдық жалақы көлемінде өтемақы төленбеген», — дейді прокурорлар.
Қадағалау актісі бойынша 20-дан астам қызметкердің 2,2 млн теңгеден астам өтемақысы төленді. Ал заңды талаптарын сақтамаған лауазымды тұлғалар қатаң тәртіптік жауапкершілікке тартылды.
