8 желтоқсанда Астана қаласындағы «Бейбітшілік және келісім» сарайында «Жан Шуақ» халықаралық қоғамдық сыйлығының 15-мерейтойлық жеңімпаздарын марапаттау рәсімі өтеді деп хабарлады turkystan.kz.
Іс-шараны «АМАNАТ» партиясының қолдауымен «Қазақстан мүгедектер конфедерациясы» республикалық қоғамдық бірлестігі ұйымдастыруда.
«Жан Шуақ» халықаралық қоғамдық сыйлығы «Кедергісіз келешек» партиялық жобасы аясында жыл сайын өтуде.
Байқау жеңімпаздарын марапаттау 7 номинация бойынша жүргізіледі.
«Спорт саласындағы аса үздік жетістіктері үшін»
«Кәсіпкерлік қызметті дамытуға қосқан үлесі үшін»
«Мүгедектігі бар адамдарға қатысты қоғамдық сананың оң өзгеруіне қосқан үлесі үшін»
«Күшті жігері және жеңіске талпынысы үшін»
«Мәдениет саласындағы аса үздік жетістіктері үшін»
«Мүгедектігі бар адамдардың ғылым мен білім беру қызметін дамытуға қосқан үлесі және оқуға талпынысы үшін»
«Өнер саласындағы аса үздік жетістіктері үшін».
https://turkystan.kz/article/206214-elordada-zhan-shuak-halykaralyk-kogamdyk-syylygynyn-marapattau-resimi-otedi/
