Видеодан скриншот
https://turkystan.kz/article/271404-emdelgim-kelmeidi-tanymal-ansi-qaterli-isikke-saldyqqanyn-aitty-video
Қазақстандық әнші, актриса және продюсер Нора Нұғман (Нұргүл Нұғманова) Тимур Балымбетов жүргізетін бағдарламада өзінің ауыр дертке шалдыққанын жасырмай айтты, деп жазады turkystan.kz.
Оның айтуынша, екі жыл бұрын денесінде күмән тудырған өзгерісті байқап, тексерілуге барған сәтте қатерлі ісік диагнозы қойылған.
Нора бұған дейін денсаулығына мүлде көңіл бөлмегенін жасырмады.
«43 жыл бойы бір рет те толық тексерілмеппін. Омырауымда түйін пайда болды, содан кейін ғана дәрігерге бардым. Тексеріс нәтижесі қатерлі ісік екенін көрсетті. Барлық анализдерді тапсырдым, диагноз расталды. Бірақ мен өзім оны фиброаденома деп ойлаймын, өйткені дәрігерлерге деген сенімім азайды. Алғашында қатты қорқып, айтқан емнің бәрін қабылдадым. Жағдайым жақсарды. Химия алып жүрген кезде мені жұмыс қана жігерлендірді», – дейді ол.
Әнші алғаш ем қабылдаған кезде аурудың уақытша бәсеңдегенін айтады. Алайда біраз уақыттан кейін қайта асқынып, денсаулығына әсер ете бастаған.
«Қазір рецидив. Түйін бұрынғыдай кішкентай емес, лимфа безіне де тараған. Бірақ мен оған қарсы ешқандай ем қабылдап жатқан жоқпын. Ойымды басқа жаққа бұру үшін концерт қоюды ұйғардым. Қазір бар уайымым — концерт», – деді Нора Нұғман.
Өнер иесі биыл ем-шаралардан толық бас тартқанын да ашық жеткізді. Оның айтуынша, ауруханада уақыт өткізу немесе химиятерапияны қайта бастау – өзінің таңдауы емес.
«Көп адам “Қалай бұлай жеңіл жүресің?” деп сұрайды. Бұл – менің таңдауым. Әркімнің өзіне берілген уақыты бар деп ойлаймын. Ауруханада жатқым келмейді, қайтадан химия қабылдағым келмейді. Бұның бәрін бастан өткердім. Құрбыларыма концерттен кейін денсаулығымды қараймын деп уәде бергенмін. Бірақ рецидив туралы естіген соң, өзім үшін шешім қабылдадым — емделгім келмейді», – дейді өнер иесі.
Нора Нұғман қазіргі таңда өмірді Алланың қолына тапсырғанын айтады.
«Мен бүгінмен, осы сәтпен өмір сүріп үйрендім. Бұл маған жеткілікті. Шешімді ойланбай қабылдаған жоқпын. Тағдырымды Аллаға тапсырдым. Қашан алатынын өзі біледі — бұл оның еркі. Әрине, бәріміз ұзақ өмір сүргіміз келеді. Бірақ мен дәл қазір өмір сүруді таңдадым. Менің емім — музыка. Менің қуатым — жұмысым. Мүмкін, бұл дұрыс шешім емес шығар, бірақ жүрегім осылай дейді», – деді ол.
БӨЛІСУ:
Серіктес жаңалықтары
Ұқсас мақалалар
«Ол кезде өзі де білмеген еді»: Мұстафа Өзтүріктің қызы әкесіне жазба арнады
Бүгін, 09:43
«Күшіктерін жіберді»: Мұқасан Шахзадаев жас әншіні аяусыз ұрып-соққан (ВИДЕО)
22 қараша, 2025
«Мөлдір фильмінде кемшіліктер болғанын мойындады: Бақыт Тұрман көпшілікке үндеу жасады (ВИДЕО)
22 қараша, 2025
«Құтырғаны жақсы болды»: Танымал әзілкеш әйелдердің қоғамдағы рөлі туралы айтты
22 қараша, 2025
Әнші Абай Бегейдің әйелі жүкті екенін айтты
22 қараша, 2025
«Өмір мен ойлағандай болмай шықты»: Төреғали Төреәлі қызының диагнозын білген сәтін еске алды (ВИДЕО)
22 қараша, 2025
Көп оқылған
Бүгін, 13:24
Шығыс Қазақстанда қар көшкіні жүруі мүмкін – ТЖД
Бүгін, 12:50
Токио өтіп жатқан Сурдлимпиадада екі қазақстандық еркін күрес балуаны финалға шықты
Толық нұсқасына гиперсілтеме беруді ұмытпаңыз: https://turkystan.kz/article/271404-emdelgim-kelmeidi-tanymal-ansi-qaterli-isikke-saldyqqanyn-aitty-video
