Емшіге барып емделген соң жүкті болып, бірден үшем босанған: 2021 жылы сіз оқып үлгермеген ең әсерлі әрі көп талқыланған 5 оқиға

2021 жыл әртүрлі оқиғаларға толы болды. Өтіп бара жатқан жылды қорытындылай келе, сайтымызда шыққан ең үздік материалдар мен оқырманға қызықты болған сұхбаттарымызды ұсынамыз. Бәлкім, әсерлі кейіпкерлердің оқиғасын жіберіп алған шығарсыз. 

Ақын Нұрмұхаммед Әбілқасымов шығармашылығы мен жеке өмірі 

Көпшілікке танымал ақын, «Шабыт» фестивалінің лауреаты Нұрмұхаммед Әбілқасымов – ерекше қажеттілігі бар жан. Оның жыр шумақтарын аузына қаламды салып, телефон құралы арқылы жазатынын бірі білсе, бірі білмеуі мүмкін. Осы уақытқа дейін Нұрмұхаммед ақынның екі кітабы жарық көрген болатын. Бүгінде ол бақытты отбасының отағасы, екі баланың әкесі.

2015 жылы ақын Нұрмұхаммед өзінен 19 жас кіші бойжеткенге үйленіп, шаңырақ көтерген еді. Бұл жағдай қоғамның назарын аударғаны рас. Бірі жас жұбайлардың арасындағы махаббатқа сенбесе, енді бірі талант иесіне шынайы бақыт тілеген болатын. Содан бері арада 6 жыл уақыт өтті. Бүгінде ерлі-зайыптының егіз бір ұлы мен бір қызы бар. Жас жанұя ауылдағы үлгілі отбасылардың бірі болып отыр. Ақынның қазіргі өмірі мен шығармашылығындағы жаңалықтары жайлы редакциямызға сұхбат берген еді.

Нигериялық азаматқа тұрмысқа шыққан қазақ қыз екі елдің дәстүріндегі ұқсастықтар жайлы 

30 жастағы қазақ қыз Заида Нигерия азаматына тұрмысқа шыққан. Ол Атырау облысы Жылыой ауданы Құлсары қаласының тумасы. Жұптың ұзату тойындағы фото, видеоларды желіде қызу талқыға түсті. Заида – Ақтауда компаниялардың бірінде аудармашы. Жұбайы – орталықта ағылшын тілі мұғалімі. Жұп 3 жыл бұрын орталықтың дәлізінде соқтығысып қалып танысқан.
“Бірнеше ай сөйлесіп жүрдік, содан соң ұсыныс жасады. Ата-анам бастапқыда шетелдік, қара нәсілді екенін қабылдай алмады. Олар бізді тек жүріп жүрген шығар деп үміттенді. Ол ұсыныс жасағанда, ата-анама ниеті түзі екенін айттым.

Тойдың дәстүрлі түрде өткенін өзім қаладым, үлкен кісілерден бата алғым келді. 18, 20 жастағы қыз емеспін, 30-дан астым. Үндемей тұрмысқа шығып кеткім келмеді”, – дейді ару. Ұзату тойға құдалар жақтан жігіттің жиені мен інісі келген. Ал жұбайының ата-анасы шектеулерге байланысты әлі Нигерияда.
Нигериялықтар мен қазақстандықтардың мәдениетінде ұқсастықтар бар екен. Заиданың айтуынша, оларда да көрімдік беру кең таралған.

Журналист асыл тұқымды қошқар өсірудің сырымен бөлісті

Бүгінде мал шаруашылығын кәсіп еткендер қарасы көбейіп келеді. Солардың бірі – Берік Сұлтан есімді журналист. Ол сыл тұқымды қошқарларды өсірумен айналысады. Қазір оның бір қозысының бағасы 500 доллардан басталады екен. Өзінің кәсібін ол бизнеске қарағанда хобби деп біледі, оның басталуы да қызық. Алғашында баласын мал бағуға баулығысы келген.

Берік Сұлтанның сөзінше, әрбір жер үйде тұратын отбасының бұл кәсіппен айналысуына толық мүмкіндігі бар. Мұны ол атакәсіп деп бағалайды. Баба аманатына адалдық сақтау деп біледі. Кәсіпкердің оқиғасы мен тәжірибесі жайлы толықтай оқыңыз.

Бие, сиыр сауатын, қазақ отбасына түскен корейлік әйел

Елімізде қазақ тілінде еркін сөйлеп, қазақ дәстүрін ұстанатын өзге ұлт өкілдері баршылық. Солардың бірі – корей әйел Элла Ким. Қазақ ер азаматына тұрмысқа шыққан. Бір ауыз сөз қазақша білмейтін, қазақ салт-дәстүрінен хабары жоқ ол қазақ ауылына келін болып түскен. Қарағанды облысы Бидайық ауылына тұрмысқа шыққан Элла бүгінде үш бала мен немерелер тәрбиелеп отыр. Қазақтың келіні бастапқыда өзінің әкесі де, жұбайының анасы да некелеріне қарсы болғанын айтады. Соған қарамастан, кейіпкеріміз енесінің тілін тауып, батасын алған, барған жеріне судай сіңген. Қазақ отбасына келін болғаннан кейін 14 сиыр, 12 бие сауатын. Оқырманға қызықты болған сұхбатымызды сіз де оқып көріңіз.

Жатыр ісігіне шалдыққанына қарамастан, 40 жасында үшем босанған тараздық келіншек

Өмірде түрлі жағдайлар болады. Кейде үмітің үзілген сәтте жанға демеу болатын оқиғалар орын алады. Тараздың әйел Ләйла Самыратбаеваның өмірінде болған жағдай осыны одан ары дәлелдей түседі. Ләйла ұзақ уақыт бойы бала көтере алмай жүреді. Тіпті осы үшін шаңырағы шайқалады. Өзінің қыз кезінен бері ауруға бейім, денсаулығына байланысты көп шағым болған. Ақыр соңында дәрігерлер оған жатыр ісігі деген диагноз қояды. Бір қызығы, аты жаман дертті емдеу үшін әйелге тек ниеті мен халық медицинасы көмекке келеді. Толығырақ сұхбаттан оқыңыз.