Жамбыл аудандық балалар мен жасөспірімдер кітапханасы және зағип және көзі әлсіз көретін азаматтар бөлімі, Юрий Гагарин атындағы мектеп лицейінің кітапханашылары, Жамбыл облыстық мүгедектер балаларды оңалту және бейімдеу орталығы филиалының бірлесе ұйымдастыруымен 1 наурыз – «Алғыс айту» күніне орай «Туған жерге мың алғыс!» атты мерекелік ертеңгілік өтті.
Оқырмандардың «сыйластық» құндылығы туралы түсініктерін кеңейту, ризашылық пен алғыс туралы түсінік беру, үлкен — кішіге деген сүйіспеншілігін, сыпайылық қарым — қатынасын дамыту, әдептілікке, кішіпейілділікке, ізеттілікке тәрбиелеуді мақсат еткен шара жоғары деңгейде өтті.
Мерекелік кеш Ю. Гагарин атындағы мектеп-лицейінің 10 «Ә» сынып оқушысы Урдаева Армана «Туған жер» әнімен ашты. Жамбыл облыстық мүгедек балаларды оңалту және бейімдеу орталығы филиалының директоры Баубекова Жанна Иманқұлқызы балаларды мерекемен құттықтады.
Іс-шараны жүргізген Айгерім Уркумбаева, Ақерке Мамашариева «Алғыс айту» күніне орай тілектерін білдіріп, Зағип және көзі әлсіз көретін азаматтар бөлімінің тұрақты оқырманы Сейдалиев Болатбек Шәмші Қалдаяқовтың «Тамды аруы» әнін күмбірлеген домбыра үнімен жеткізді.
«Викториналық сұрақтарға» кезек беріліп, балалар туған жер туралы сауалдарға жарыса жауап берді.
Кеште Юрий Гагарин атындағы мектеп-лицейінің 6«А» сынып оқушысы Тойшыбек Асылжан «Ару Ана» әнін бар ықыласымен орындады.
Қосжан Аяулымның орындауында «Анашым» әні шырқалып, кітапхана оқырмандары Юрий Гагарин атындағы мектеп – лицейдің оқушылары Амангелді Ернұр, Уәлихан Толғанай, Еділбай Дулат алғыс айту күніне өлең шумақтарын жатқа оқыды. Ертеңгілік Серікбай Айсезімнің «Саржайлау», Тойшыбек Асылжан «Басты өлең», Жатқанбай Құрмет «Ғашықтар әнін» орындап, балаларға көтеріңкі көңіл-күй сыйлады. Сонымен қатар, жиналғандар кітапхана қызметкерлері дайындаған сахналық қойылымды тамашалады.
Кешті аудандық балалар мен жасөспірімдер кітапханасының меңгерушісі Тулепбергенова Шолпан Сайранбекқызы қорытындылай келе, ізгі тілегін білдіріп, тәтті бауырсақтар үлестірді
