Облыс әкімі Бердібек Сапарбаев Қаратау қаласындағы Д.Қонаев атындағы орта мектепке де барды. 637 оқушыға арналған білім ұясы қазіргі таңда күрделі жөндеу жұмыстарын қажет етеді. Іргетасы 1953 жылы қаланған оқу ордасына қазіргі күнге дейін бірде-бір күрделі жөндеу жұмыстары жүргізілмеген. Бүгінде тозығы жеткен мектептің сейсмикалық беріктігін нығайту жұмыстары жүргізілуі үшін жобалық-сметалық құжаты дайын. Жалпы жоба құны – 227 млн теңге. Мектептегі күрделі жөндеу жұмыстары ағымдағы жылы басталады деп күтілуде.
Талас ауданы әкімдігінің баспасөз қызметі