Алматы облысындағы Іле Алатауы паркінде заңсыз аңшылық құрғандар ұсталды, деп хабарлайды Stan.kz ақпарат агенттігі «КТК» арнасына сілтеме жасап.
Олар еліктің етінен қуырдақ жасағалы жатқан жерінде қолға түсті. Ерекше қорғалатын аңның денесін бөлшектеп жатқанда инспекторлар дәл үстінен түсіпті.
Төрт еркек арнайы мылтықтарымен аңшылыққа тыңғылықты дайындалған. Қызметкерлердің сөзінше, олар еліктер қаптап шығатын кешқұрым уақытты күткен. Түске дейін еліктің біреуін жайратып үлгерген.
Мұндай ерекше қорғалатын Түрген шатқалында аң аулауға қатаң тыйым салынады. Қазір құқық бұзушылар полиция бөлімшесіне жеткізіліп, тексеру жүргізіліп жатыр.
