Футболдан 2024 жылғы Еуропа чемпионатының іріктеу сатысы аясында Қазақстан құрамасы сырт алаңда Сан-Марино құрамасымен кездеседі, деп хабарлады turkystan.kz.
Екі құрама арасындағы матч Италияның Парма қаласындағы «Эннио Тардини» стадионында өтеді. Ойынның тікелей көрсетілімін «Qazsport» телеарнасы ұсынады.
Кездесу Астана уақытымен 00:45-те басталады. Қазақстан ұлттық құрамасы бұл ойынға жаңа формамен шығады.
Әзірге Қазақстан құрамасының қоржынында 3 ұпай бар. Команда Н тобында үшінші орында келеді. Ал Сан-Марино әзірге ұпай еншілемей, топта соңғы орында тұр.
https://turkystan.kz/article/225835-euro-2024-bugin-kazakstan-kuramasy-san-marinomen-kezdesedi/
