«Зенит» Қазақстан құрамасы мен «Қайрат» футбол клубының қорғаушысы Нұралы Әліпті маусым соңына дейін жалға алуы мүмкін, деп жазады Prosports.kz. Бұл туралы Meta-ratings.kz сайты хабарлады. Бұған дейін футболшы «Зениттің» БАӘ-де өткен алғашқы қысқы оқу-жаттығу жиынына қатысты. Кейін Әліп ресейлік клубтың Португалиядағы екінші оқу-жаттығу жиынына аттанды. Нұралы Әліп «Қайрат» сапында 99 матчқа қатысып, бес гол соқты және төрт нәтижелі пас берген. Қазақстан құрамасы сапында Әліп 12 ойын өткізді. Transfermarkt порталы 23 жастағы қорғаушыны 1,7 млн еуроға бағалайды. Айта кетейік, екі жыл бұрын «Зенит» тағы бір қазақстандық ойыншы Бауыржан Исламханға қызығушылық танытып, жаттығу жиынына шақырған. Ол Санкт-Петербург клубының бір жиынына қатысып, жолдастық матчта алаңға шыққанымен, келісімшарт жасасқан жоқ.
Источник: https://24.kz/kz/zha-aly-tar/sport/item/525159-futbol-zenit-n-raly-lipti-mausym-so-yna-dejin-zhal-a-aluy-m-mkin
Қолданылған материалдарға міндетті түрде www.24.kz сайтына гиперсілтеме берілуі тиіс / Любое использование материалов допускается только при наличии гиперссылки на www.24.kz
