Бүгін Ұлы Жеңістің 80 жылдығына орай, қаламыздағы Спорт кешенінде Ұлы Отан соғысының және Еңбек ардагері Әшім Қосыбайұлын еске алуға арналған дәстүрлі VIII — ші ашық Республикалық турнирі бастау алды.
Турнирдің ашылу салтанына аудан әкімі Сәкен Мамытов қатысып, құттықтау сөз сөйледі: — Бүгін осынау мерейлі сәтте Ұлы Отан соғысының және Еңбек ардагері Әшім Қосыбайұлын еске алуға арналған дәстүрлі VIII — ші ашық Республикалық турнирде бас қосып отырмыз. «Ер есімі ел есінде» деген даналық сөз бар. Бүгінде майдангер Әшім Қосыбайұлының есімі мәңгі өлмейді. Бүгінгі турнирге қатысушыларға сәттілік тілеймін, — деді.Турнирге Алматы, Маңғыстау, Атырау, Ақтөбе, Қызылорда, Түркістан мен Жамбыл облысы, Сарысу ауданы, Алматы мен Шымкент қалаларынан және көршілес Қырғыз Республикасынан 400 — ге жуық жас балуандар қатысып жатыр. Турнир 6 мамыр күні аяқталады.Айта кетейік, 2010 жылдан бастап ҰОС және Еңбек ардагері Ә.Қосыбайұлын еске алуға арналған аудандық турнир бастау алып, 2013 жылдан бастап облыстық турнир 2018 жылдан осы уакытқа дейін Республикалық ашық турнир болып өтіп келеді.
