Иманбек алтын платина дискісін Asar-Ume қайырымдылық қорына сыйлады. Бұл туралы Asar-Ume қоры Іnstagram-дағы парақшасында жазды деп хабарлады turkystan.kz.
«Грэмми сыйлығының иегері Иманбек Зейкенов Asar Nauryz акциясына қатысып, қорымызға алтын дискісін сыйға тартты», – делінген жазбада.
Рамазан айында аталған қор еліміздің әр өңіріндегі қиын жағдайға тап болған 100 отбасын баспанамен қамту жобасын қолға алған болатын.
«Asar-Ume қоры 100 отбасы және 500 бала жобасын іске қосты. Бұл қайырымдылық іс-шарасына бәріңізді үлес қосуға шақырамын. Сіз бен біздің арқамызда 500 бала өз үйінде тұруға мүмкіндік алады», – деді Иманбек.
https://turkystan.kz/article/218437-imanbek-kazakstandyktardy-kayyrymdy-iske-atsalysuga-shakyrdy/
