Премьер-Министр Әлихан Смайыловтың төрағалығымен өткен Дағдарысқа қарсы шаралар жөніндегі жедел штабтың отырысында бизнес-қауымдастық өкілдері импортталатын тауарларға қатысты мемлекеттік тілдегі этикеткалардың орнына тауарлар туралы барлық қажетті ақпаратты қамтитын тауарлық QR-кодтарды уақытша пайдалануды ұсынды.
Бұл этикеткаларды әзірлеуге және бекітуге қатысты бизнес шығындарын айтарлықтай азайтуға мүмкіндік береді.
Үкімет басшысы отандық бизнес өкілдерінің бастамасын қолдап, Президент Жарлығының жобасын дайындауды, оны осы аптаның соңына дейін Мемлекет басшысының қарауына енгізуді тапсырды.
Жедел штабтың келесі отырысы 24 наурызда өтеді.![]()
