Шу ауданы әкімінің 2023 жылғы «14» шілдедегі №129 өкімімен Түменбаев Балаби Алибиұлы Шу ауданы әкімдігінің ішкі саясат бөлімінің басшысы қызметіне тағайындалды. Осыған орай, аудан басшысы Бақытжан Оразалыұлы жаңа басшыны ұжымға таныстырып, алдағы жұмысына сәттілік тіледі.
Түменбаев Балаби Алибиұлы 1993 жылы туылған, білімі жоғары. 2015 жылы Сәтбаев атындағы Қазақ ұлттық техникалық зерттеу университетін «мұнай-газ ісі» және 2020 жылы Халықаралық гуманитарлық техникалық университетін «құқықтану» мамандықтары бойынша тәмамдаған.
Еңбек жолын 2016 жылы Шу ауданы әкімдігінің тұрғын үй инспекциясы бөлімінің инспекторы болып бастаған.
2016-2019 жылдары Шу ауданы әкімдігінің тұрғын үй инспекциясы бөлімінің бас маманы;
2019-2020 жылдары Шу ауданы әкімі аппаратының ұйымдастыру-инспекторлық бөлімшесінің бас маманы;
2020-2021 жылдары Шу ауданы әкімі аппаратының ұйымдастыру-инспекторлық бөлімшесіндегі аудан әкімінің бас инспекторы;
2021 жылдан бастап Шу ауданы әкімі аппаратының ұйымдастыру-инспекторлық бөлімшесінің басшысы қызметін атқарып келеді.
Үйленген, 2 бала тәрбиелеуде.
