Әйел ауыр халде бірнеше күн үйінде жатқан. SMARTNEWS.KZ басылымының хабарлауынша, Өзбекстанда күйеуі әйелін бірнеше күн бойы ауруханаға жібермей, соққыға жыққан. Салдарынан 27 жастағы Шахноза ауыр жарақат алып, жансақтау бөлімінде қайтыс болды. Бұл туралы El.kz жазды. Оқиға Самарқанд облысында болған. Марқұмның туыстарының айтуынша, 2025 жылдың 6 қаңтарында Шахнозаны күйеуі аяусыз ұрып-соққан. Жәбірленуші бірден полицияға жүгінбеген, алдымен жергілікті махалладан көмек сұраған. Алайда махалла да, басқа жергілікті органдар да ешқандай шара қолданбаған. Осылайша, Шахноза ауыр халде бірнеше күн үйінде жатқан. Тек 12 қаңтарда анасы Ресейден оралғаннан кейін ғана оны ауруханаға жеткізген. Бірақ дәрігерлер зорлық-зомбылық белгілеріне қарамастан, тиісті медициналық көмек көрсетпеген. Осы уақытта күйеуі ауруханаға келіп, әйелін видеоға түсіріп, оны ұрмағанын айтуды талап еткен. 1 ақпан күні Шахнозаның жағдайы күрт нашарлап, жансақтау бөліміне ауыстырылды. Алайда оны аман алып қалу мүмкін болмады. Марқұмның артында үш баласы қалды. Ал оның күйеуі әлі де бостандықта жүр. Туыстары тергеу амалдарының әділ жүргізілмей жатқанын айтып, шағымданды.
https://smartnews.kz/news/17488-auruhanaga-zhibermej-kojgan-kujeui-ayausyz-sokkyga-zhykkan-ajel-kajtys-boldy
freepik.com
