Аудан әкімі Олжас Қаржауовтың төрағалығымен үй іргесіндегі жерлерді тиімді пайдалану мақсатында кеңес отырысы өтті.
Күн тәртібінде аудандағы жеке қосалқы шаруашылықтардың үй іргесіндегі жер учаскелерінде көкөніс және жеміс ағаштарын егуді ұйымдастыру және жайылымдарды тиімді пайдалану мәселелері қозғалды.
Кеңес отырысына бөлім басшылары, ауылдық округ әкімдері, ақсақалдар және қауымдастық төрағалары мен мүшелері және ауыл тұрғындары қатысты.Жиында аудан әкімі ауылдық округтердегі ақсақалдар төрағалары мен қауымдастық төрағаларын қатыстыра отыра көкөніс, картоп және басқа да дақылдар егу туралы түсіндіре жұмыстарын жүргізу керектігін айта өтті. Сонымен қатар, ағын сумен қамтамасыз етіп, су келетін канал арықтарды тазалау үшін ауыл тұрғындарын ұйымдастырып, егістік жерлерге егілетін масақты дәнді дақылдардың орнына жоңышқа, эспарцет дақылдарын егуді тапсырды.Жуалы аудан әкімдігі
