Бүгін Балалар жылына орай, Талас ауданы әкімдігінің дене шынықтыру және спорт бөлімі, Талас ауданы әкімдігінің ішкі саясат бөлімі Жастар ресурстық орталығының қолдауымен, «Жұлдыз» аула клубының ұйымдастыруымен балалардың салауатты өмір салтын қалыптастыру мақсатында «Көктемгі эстафета — 2022» атты спорттық жарыс өтті.
Спорттық іс—шараға қаладағы 8 мектеп оқушыларының құрама командалары қатысты.
Көктемгі эстафета — 2022» атты спорттық жарыс 5 бөлімнен тұрды:«Жұптасып шеңбермен жүгіру», «Кім мерген», Допты алып жүгіру, «Түннелден өту», «Арқан тарту» сынды спорт түрлерінен сынға түскен оқушылар, өз шеберлерін ортаға салды.
Жарыс қорытындысы бойынша 1 орынға Ш.Уәлиханов атындағы орта мектебінің құрама командасы қол жеткізсе, 2 орынды А.Пушкин мектебінің оқушылары иеленді. 3 орынға А. Байтұрсынов атындағы мектеп—гимназиясының оқушылары тұрақтады.
Барлық жеңімпаз командаларға алғыс хаттар, медальдар және сыйлықтар табысталды.
Талас ауданы әкімдігінің баспасөз қызметі