«Көлеңкелі» сызбалардың артында көбінесе ықпалды адамдар тұрған – Сыбайлас жемқорлыққа қарсы қызметі

Қазақстандағы «көлеңкелі» сызбалардың артында көбінесе өз табысын шетелде жасырғысы келген ықпалды адамдар тұрған. Сыбайлас жемқорлыққа қарсы қызметтің төрағасы Олжас Бектенов осылай деп мәлімдеді, деп хабарлайды Stan.kz ақпарат агенттігі.

Сыбайлас жемқорлыққа қарсы іс-қимыл агенттігінің алқа мәжілісінде Бектенов жалпы құны 57 миллиард теңгені құрайтын 600-ден астам теміржол трассасының мемлекеттік бақылауға алынғанын айтты.

«Әңгіме «соңғы шақырым» деп аталып кеткен жол туралы болып отыр. Келтірілген зиянды өтеуден бөлек, әлеуметтік-экономикалық әсері де бар. Мәселен, теміржол тасымалдаушылары үшін тарифтер 14 есеге – 2200 теңгеден 147 теңгеге дейін төмендеді. Мұндай «көлеңкелі» сызбалардың артында көбінесе көлеңкелі кірістерін шетелде жасырып жүрген ықпалды адамдар тұрған», — деді Бектенов.

• • Сыбайлас жемқорлыққа қарсы іс-қимыл агенттігі тергеу кезінде рұқсат етілмеген әдісті пайдаланғаны үшін Лариса Пактың туыстарынан кешірім сұрады

• Нұр-Сұлтандағы стадионды 5 млн теңге пара үшін апатты деп таныған

Оның айтуынша, экономикалық ресурстарды заңсыз шоғырландыруға және оларды мемлекет меншігіне қайтаруға қатысты істерді тергеу ерекше бақылауға алынған. Қабылданған шаралардың нәтижесінде мемлекетке 430 миллиард теңге немесе 1 миллиард долларға жуық активтер қайтарылған.

Бектенов сонымен қоса, Оператор РОП-тың ісі бойынша «толығымен мемлекетке қайтарылып, әлеуметтік мақсатқа жұмсалған» 180 миллиард теңгеден астам қаржының ұрлануының алдын алғанын да атап өтті.

https://stan.kz/kolenkeli-sizbalardin-artinda-kobinese-ikpaldi-adamdar-367121/