«Көлігінен 20 млн теңге ұрланды»: Адвокат Шавкат Рахмоновтың әйеліне қатысты пікір білдірді

Коллаж: turkystan.kz

«Көлігінен 20 млн теңге ұрланды»: Адвокат Шавкат Рахмоновтың әйеліне қатысты пікір білдірді: 21 наурыз 2026, жаңалықтар Turkystan.kz
Заңгер Мейірман Шекеев әлеуметтік желідегі жазбасында Шавкаттың жұбайы Гүлайымға қатысты жағдайға пікір білдірді, деп хабарлайды turkystan.kz.

Оның айтуынша, кейбір желі қолданушылары әйелдің соңғы жазбасын қылмыстық жауапкершіліктен жалтарудың «стратегиялық қадамы» ретінде бағалап жатыр.

Алайда заңгер мұндай тұжырыммен келіспейді.
Мейірман Шекеев Гүлайымның қысқа уақыт ішінде ауыр қайғыға тап болғанын атап өтті.

Атап айтқанда, оның туған әпкесінен айырылуы және автокөлігінен 20 млн теңгенің ұрлануы – кез келген адамға үлкен соққы екенін жеткізді.

Сондай-ақ, ол аталған іске байланысты қозғалған қылмыстық істерді ескере отырып, бұл жағдайда айыптаудан гөрі қолдау көрсету дұрыс екенін айтты.

Заңгердің пікірінше, әйелдің әрекетін қасақана жасалды деуге нақты негіз жоқ.

«Бұл бап бойынша қандай да бір стратегия болған күннің өзінде, заңда нақты санкциялар қарастырылған. Сондықтан қоғам даурығып, адамның онсыз да жаралы көңіліне салмақ салмай, керісінше қолдау білдіруі тиіс», – дейді ол.

Сөз соңында заңгер отбасылық мәселелер кез келген адамның басында болуы мүмкін екенін атап өтіп, жұртшылықты бір-бірін сынаудан гөрі қолдауға шақырды.

Толық нұсқасына гиперсілтеме беруді ұмытпаңыз: https://turkystan.kz/article/278514-koliginen-20-mln-tengesin-urlap-ketken-belgili-advokat-savkat-raxmonovtyn-aieline-qatysty-is-turaly-zazba-zariialady