«Кәмелетке толмағандарды саудалап, жалған құжат жасаған»: Интерпол шымкенттік әйелді Оңтүстік Кореяда ұстады

Қазақстанның интерполы халықаралық іздеуге жарияланған қылмыскерді елге қайтарды, деп хабарлайды Stan.kz ақпарат агенттігі.

«Ішкі істер министрлігінің Интерпол Ұлттық орталық бюросы оңтүстік кореялық әріптестермен бірлесіп кәмелетке толмағандарды саудалап, жалған құжат жасағаны үшін іздеуде жүрген 39 жастағы Шымкент тұрғынын ұстады», — делінген хабарламада.

Белгілі болғандай, бұған дейін әйел қыз туып, оның құжаттарын қолдан жасап, биологиялық баласын үшінші тұлғаға берген.

«Сәйкесінше халықаралық іздеу жарияланды. Оңтүстік Кореядан депортацияланғаннан кейін Қазақстанға келген соң Алматы әуежайының желілік полиция бөлімінде ұсталып, уақытша ұстау изоляторына қамалды», — дейді тәртіп сақшылары.

https://stan.kz/kameletke-tolmagandardi-saudalap-zhalgan-kyzhat-zhasaga-372165/