Бүгінде көмір жағып, үй жылытудың қандай әбігер екенін ауыл тұрғындары жақсы біледі. Ауылішілік көшелеріне газ құбыры тартылған Шайдана, Еңбек, Рахат, Тастөбе, Ащыбұлақ, Көлқайнар, Өрнек, Жұма, Ерназар ауылдары әлі күнге дейін табиғи отынның қызығын көрмей келеді. Бұған орталық магистралдағы газ құбырының диаметрі стандарқа сай болмауы сеп болып отыр.
Бүгінде облыс әкімінің қолдауымен республикалық бюджеттен құбырды ауыстыруға қаражат қаралып, жұмыстар аяқталуға жақын қалды.
Сәтін салса, биыл 9 елді мекен газ тұтына алады.
Дегенмен аталған ауылдардың тұрғындарына қайырылатын өтінішіміз бар. Ауылдықтар ауласына жеткізілген газ құбырын үй іргесіне өздері тартып, ошақ-мұржасын туралай беруі керек. Ауылдар газ берілген жағдайда толықтай қосылуға мүмкіндік алғаны жөн. Осы мәселені ауыл әкімдері тағы да бір пысықтап, жұртшылыққа жеткізгені дұрыс Ауылдар қатты отынның қамына емес, табиғи газдың қарекетіне кіріскені абзал.
Сіздер де тұрғындарға хабарлай жүріңіздер!
Ерлан Қыдырал ыұлы,Жамбыл ауданының әкімі
