Кәсіпкердің 42 млн теңгесін алып, несиесін жауып қашып кеткен: Қазақстандық ер адам шетелде ұсталды

Облыстық полиция департаментінің хабарлауынша, 2014 жылы жасалған қылмыс ашылған.

“Щучинск қаласының 54 жастағы тұрғыны жергілікті кәсіпкердің 42 млн теңгеден астам сомадағы қаражатын иемденіп, оған жоғары технологиялық жабдық қоюға уәде беріп, жеткізу шартының жалған құжаттарын ұсынған”, – дейді Ақмола облысы ПД баспасөз қызметі

Аталған факт ҚР ҚК 190-бабының 4-бөлігі «Алаяқтық» бойынша дерекқорға енгізілді.

Жәбірленушіден алынған ақшаны қаскүнем несие бойынша қарыздарын жабуға жұмсаған, сөйтіп Қазақстан аумағынан кеткені анықталды, деп толықтырды полицияда.

Алаяқтыққа күдікті халықаралық іздеу жарияланғаны белгілі болды. Оны елге қайтару процесі 2021 жылғы қарашада Майндағы Франкфуртте ГФР құқық қорғау органдары мен ҚР ІІМ қызметкерлерінің қатысуымен өтті.