Өңіріміздегі жол-құрылыс саласында өзіндік өрнегі бар «SineMidasStroy» компаниясында жол-зертхана шеберлері, арнайы техникаларды жүргізетін операторлар жеткіліксіз. Алайда, «Жол активтері ұлттық сапа орталығына» бағынысты өңірлік филиалының қызметкерлері қол қусырып отырған жоқ.
Саладағы кадрлық дефицитті жоюда филиал қызметкерлері хәл-қадірінше еңбектеніп жатыр. Олар жамбылдық жастарға жол саласының барлық бағыттарын түсіндіріп, жұмыс барысындағы артықшылықтар мен мүмкіндіктерді кеңінен айтып, жасөспірімдердің бұл салаға деген қызығушылығын оятуда. Нәтижесінде облыс орталығындағы бірқатар мектептердің жас түлектері болашақта осы мамандықты таңдауға шешім қабылдаған.
Жасыратын несі бар, бұл күні жол саласында кадр тапшылығы орын алуда. Алайда, бүгінгі жолшылардың әрбір әрекеті автожол саласына тың жаңалықтар әкеліп, технологиялардың жетілуіне және саладағы жаңа серпілістердің келуіне мүмкіндік беретінін естен шығармаған жөн.
