Талас ауданында аудан әкімі Жүнісбеков Нұрбол Әбдімажитұлының төрағалығымен Қазақстан Республикасының Президенті Қасым-Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында айқындалған міндеттерді талқылап, оларды орындау жолдарын пысықтау мақсатында кеңейтілген кеңес өтті.
Басқосуға құқық қорғау және мемлекеттік органдардың басшылары, қала және ауылдық округ әкімдері, аудан әкімдігінің бөлім басшылары, мекеме басшылары мен аудандық мәслихат депутаттары, саяси партиялар мен зиялы қауым өкілдері қатысты.
Жиында баяндамашылар Жолдаудан туындайтын негізгі міндеттер бойынша алдағы жоспарлармен және ауданда атқарылатын жұмыстармен таныстырды. Жиын қорытындысында нақты тапсырмалар беріліп, Жолдаудан туындаған міндеттемелерді бірлесіп атқару қажеттігі айтылды.
