«Келінге дайынмын»: Ләйлә Сұлтанқызы Жаңа жылда елді елең еткізді: 2 қаңтар 2026, жаңалықтар Turkystan.kz
Тележүргізуші Ләйлә Сұлтанқызы оқырмандарын Жаңа жыл мерекесімен құттықтап, жеке өмірінен сыр шертті деп жазады Оzgeris.info.
Ол бұл жолы мерекені отбасымен бірге қарсы алып жатқанын айтып, үлкен ұлы Сағадаттың шетелден оралып, қасында болғанына ерекше қуанышты екенін жеткізді.Ләйләнің айтуынша, уақыттың қалай зымырап өткенін байқамай қалған. Балаларының есейіп, өз алдына өмір сүре бастағанын сезінгенін жасырмады.
«Ұлдарыммен, бала әңгімелерді айтудан қалып бара жатқандаймын. Балалардың есейгені байқалады», – деді ол.
Сондай-ақ тележүргізуші болашаққа қатысты ойымен де бөлісті.
«Мүмкін, келесі Жаңа жылды келіндеріммен бірге қарсы алатын шығармын», – деген Ләйләнің бұл сөзі желі қолданушылары арасында түрлі пікір тудырды.
Кейбірі «әлі ерте емес пе?» деп сұраса, ол бұл пікірлерге сабырмен жауап берді.
«Бола берсін. Келінге дайынмын», – деп әзіл-шыны аралас пікір білдірді.
Әңгімесінің соңында Ләйлә Сұлтанқызы барша қазақстандықтарға Жаңа жылда тек бақыт, амандық тіледі.
«Ұл-қыздарымыз аман болсын, отбасыңызға береке тілеймін», – деп қорытындылады ол.
