Бүгін аудан әкімі Марат Сұлтанғалиев бастаған бірқатар сала басшылары ҰОС ардагері, ғасыр куәгері Кемелбек Шаменовтың шаңырағында болып, қарт майдангерді Ұлы Жеңістің 77 жылдық мерекесімен құттықтады.
Аудан әкімі Марат Қырғызәліұлы жеңіс күнін жақындатқан қарияға барша сарысулықтардың атынан алғыс білдіріп, гүл шоқтары мен тұрмысқа қажетті техниканы табыстады.
Кемелбек Шаменов — 1921 жылдың 15 наурызында Оңтүстік Қазақстан облысында дүниеге келген.
1941 жылы Сырдария облысы, Сырдария ауданынан соғысқа аттанған. 1942 жылы майдан даласында ауыр жарақат алып, елге оралды.
Соғыстан кейін «Алексей нан» заводында жүк тасушы, «Қаратау» тау-кен өңдеу кешенінде жұмысшы болып істеп, 1977 жылы зейнетке шыққан. Бүгінде 1 ұл, 3 қызынан 20 немере-шөбере сүйіп отыр.
🎖Қария Ұлы Отан соғысының І дәрежелі орденімен, «Маршал Г.Жуковтың» және басқа да мерекелік медальдармен марапатталған.
Сарысу ауданы әкімдігінің Баспасөз қызметі