1946 жылы 5 желтоқсанда «Шолақтау» кен орнынан фосфор рудасының алғашқы рудасы шығарылған болатын.
Осыдан 79 жыл бұрын іске қосылған «Каратау» тау — кен өңдеу кешені жаңа өндірісті игеріп, еліміздің химия және тау-кен өңдеу саласының алыбына айналды. Кәсіпорының даму және өрлеу кезеңдерімен қатар Жаңатас, Қаратау қалалары қалыптасты. Кешен қалақұраушы кәсіпорын ретінде ел мақтанышына айналды.![]()
Мемлекет басшысы Қасым — Жомарт Тоқаевтың жариялаған «Жұмысшы мамандықтарының жылы» аясында бүгін орталық алаңда аудандағы ірі өндіріс орны «Казфосфат» ЖШС-і «Қаратау” тау-кен өңдейтін комплексі айтулы күнді салтанатты жағдайда атап өтті. Салтанатты шараға аудан әкімі Сәкен Мамытов қатысып, кеншілер қауымын құттықтады. 
Өз сөзінде экономикасы негізінен өнеркәсіп саласына бағытталған ауданымыздың әлеуметтік — экономикалық, мәдени дамуында тау-кен өңдеу кешенінің ерекше орын алатындығына атап өтіп, ерен еңбектің үлгісін көрсетіп, тауқопарып, тас жарған кеншілер еңбегінің әрқашан да құрметке лайық екендігіне тоқталды. Мұнан соң “Казфосфат” ЖШС филиалы “Қаратау” тау-кен өңдейтін комплексінің директоры Әділхан Шынайдарұлы Ералиев те барлық қызметкерлерді айтулы мерекемен құттықтап, жұмыстарына табыс тіледі.
Өндіріс саласының дамуына өзіндік үлес қосып, үздік жетістіктерге жетіп жүрген бір топ азаматтарға кәсіпорын басшылығы арнайы марапаттауларын тапсырып, бағалы сыйлықтарды (теледидар) табыстады. Сондай — ақ, Кеншілер күніне орай ұйымдастырылған спорттық шаралардың жеңімпаздары мен жүлдегерлері дипломмен, кубокпен және қаржылай сыйлықтармен марапатталды.Кеш концерттік бағдарламамен жалғасып, эстрада жұлдыздары Нұржан Төлендиев, Ернар Айдар,Заттыбек Көпбасынұлы,
Құрмаш пен Әлімхан дуэті, Ерболат Ержанбаев, Талғат Лес және «Рио» тобы әннен шашу шашып, көпшіліктің ықыласына бөленді. Шара соңындағы отшашу қала тұрғындарыне ерекше әсер сыйлады.
