Владимир Путин Киев режимі келіссөздерден бас тартқанын, террористік әдістерді қолдана отырып олар Ресейдің жаңа аумақтарын бомбалауды жалғастырып жатыр деп мәлімдеді, деп хабарлайды Stan.kz ақпарат агенттігі РИА Новости агенттігіне сілтеме жасап.
Путиннің айтуынша, Киев режимі адамдардың еркі мен таңдауын мойындаудан бас тартқан.
“Келіссөздер туралы кез келген ұсыныстарды қабылдамады. Керісінше, атыс жалғасып, бейбіт адамдар ажал құшуда», — деді Путин Ресей Федерациясының Қауіпсіздік Кеңесінің отырысында.
Ресей президентінің сөзінше, неонацистер террористік әдістерді ашық қолданып жатқан көрінеді.
Айта кетсек, Ресейде 21 қыркүйекте жартылай мобилизация басталып, 300 мың адам соғысқа шақырту алған болатын.
https://stan.kz/kiev-rezhimi-kelissozden-bas-tartti-putin-372160/
