Павлодар облысындағы Шарбақты ауылының тұрғындарын осы қыс әбігерге салып жатыр. Көшелерде көктайғақ басталып, айнадай мұздан көпшілік жүре алмай қалған.
Соның кесірінен тұрғындар аяқ киімін конькиге ауыстырған, деп хабарлайды http://shanyraqinfo.kz Экспресс К. сайтына сілтеме жасап…
Өйткені жалтырап жатқан жолда қарапайым аяқ киіммен жүру мүмкін емес. Осы ауылдағы көк мұз қатқан көшеде конькимен зуылдап жүрген азаматтың бейнежазбасы желіде тарады. Көпшілік жазбадағы көріністі сынға алып, талқылап жатыр.
Пікір білдірушілер «Шарбақтының әкімдігі ауылдықтарды конькиші, хоккейші, мәнерлеп сырғанашуы қылығысы келген шығар» — деп күлкіге айналдырды. Тағы бір желі қолданушысы «ауылдағы мұз айдынына барлығы келе алады, бірақ жақында ақылы болуы мүмкін» деп келеке еткен.
Шарбақты ауылында қазір ауа райы -10 градус. Түнде -16-ға дейін төмендейді. Бұл ұзаққа созылса, биыл ауылдан шынымен қысқы спорт түрлерінің чемпиондары шығуы мүмкін.
