![]()
Айшабибі ауылына барған Жамбыл ауданының әкімі Ерлан Қыдыралыұлы «Ауыл – ел бесігі» жобасы шеңберінде салынатын әмбебап спорт кешенінің орнын белгілеу үшін ауыл ішін аралады. Ауыл азаматтарымен әңгімелесіп, олардың ұсыныс-пікірін де білді.
— Облыс әкімінің тапсырмасына сәйкес, ауыл-аймаққа салынатын әлеуметтік-мәдени нысандар көрнекі жерден еңсе тіктеуі қажет. Бұл өз кезегінде арлы-берлі қатынаған жолаушылар үшін де ауылдың ажарын көрсетеді. Айшабибіліктердің де ойын білдік. Сонымен спорт кешенінің түбегейлі орны ауылға Тараз қаласынан кіребергендегі оң жақ қаптал болып белгіленді, — деді Ерлан Қыдыралыұлы.
Жалпы кешеннің құрылысы ағымдағы жылы басталып, келесі жылы пайдалануға беріледі деп күтілуде.
Аудан әкімінің сапары кезінде аудан әкімінің орынбасары Нұрлан Несіпбеков пен ауыл әкімі Дәрмен Дәулетовке жер құжаттырын рәсімдеу бойынша тапсырмалар жүктелді.
Жамбыл ауданы әкімдігінің баспасөз қызметі
