Жамбыл облысының жаңа әкімі Бердібек Сапарбаев кеше кешкілік өткен әкімдіктің кеңейтілген алқа мәжілісінде аудан әкімдерінің жұмысын сынға алды.
— Әкімдер есепті жиындарын әкімдік мамандарын жинап алып емес, қарапайым халықтың алдында өткізуі керек. Әкімдер бұқарамен кездеспейтіндіктен олар көшеге шығып, билікке өз шағымын айтуда. Біле білсеңіздер халықтың арасында прокурорды, Ұлттық қауіпсіздік комитетінің басшысын тірідей көрмеген адамдар бар. Міне осы олқылықтың орнын толтыру үшін өзімнен бастап, барлық мекеме басшылары халықпен кездесулер өткізетін болады, — деді Б.Сапарбаев.
