Президент Қасым-Жомарт Тоқаев қазақстандық блогердің ерекше сұрағына жауап берді, деп хабарлайды Stan.kz ақпарат агенттігі.
Қазақ тіліндегі видеоларымен танымал блогер Алексей Лодочников TikTok желісінде Қасым-Жомарт Тоқаевпен бірге түсірілген видеоны жариялады.
Лодочников мемлекет басшысына сауал қойды.
“Менің президентім – краш деп жазып жатыр. Сіз жастардың кумиріне айналдыңыз. Ал сіздің крашыңыз кім?”, – деді блогер.
Президент оған “әрине, жастар, сіздерге зор үміт артамын” деп жауап берді.
Видео бұған дейін Қазақстан халқы Ассамблеясының сессиясы өткен Ақорда резиденциясында түсірілген.
Шарада спикерлердің бірі ретінде Алексей Лодочников сөз сөйледі.
Айта кетейік, краш (ағылш. crush) – сөзі шын ұнататын адам; адамның жандүниесіне ләззат сыйлайтын нысан деген мағына береді.
https://stan.kz/kimdi-zhaksi-koresiz-tanimal-bloger-tokaevpen-birge-tus-363838/
