Қызылорда қаласының іргесінде тұрған Ақсуат ауылындағы көпшіліктің айтуынша, электр жарығы шешімі табылмай жатқан мәселеге айналған.
Әлеуметтік желіде осы ауылдағы тоқ бағаналарынан салбырап тұрған электр сымдарының көрінісі тарады, деп хабарлайды Экспресс К.
Суреттерден әбден ескірген бағаналарының тоқ сымдарымен маталып қалғанын көруге болады. Енді бірінде сымдар тым төмен салбырап тұр.
Мына электр сымдарын кір жаюға қойғансыздар ма? Бағаналарды ауыстыруға не кедергі? Қаншама халық жарықсыз қалады,
Ауылдағы электр жарығы мәселесі жергілікті тұрғындардың бірнеше жылдан бері бас ауруына айналған. Жұрттың айтуынша, ескі бағаналардың кесірінен кешкі уақытта жарық сығырайып жанады. Ал сондай кезде сабақ оқитын балалар соқыр болатын болды деп ашынады олар.
Ауыл әкімі былтыр 184 миллион теңгеге 28 көшенің электр бағаналарын жаңарттық дейді. Сонымен қоса 5 трансформатор орнатылғанын айтады. Ал осы жылы қалған ескі электр бағаналарының жоба сметалық құжаттары дайындалып жатқанын жеткізді. Бұл жоба жүзеге асса, ауылдағы жарық мәселесі болмайды деп сендірді әкім.
