Тергеудегі кәмелет жасына толмаған жасөспірімдермен «Кітап ақылына ақы сұрамайтын ең құнды қазына» атты шексіз кітап оқу жобасы өткізілді.
№67 мекемесінде АКАТЖжӘП бөлімшесінің кәмелет жасына толмаған жасөспірімдердің инспекторы әділет аға лейтенанты М.Н. Мыркалиева кәмелет жасына толмаған жасөспірімдермен «Кітап ақылына ақы сұрамайтын ең кұнды қазына» атты шексіз кітап оқу жобасын ұйымдастырды. Жобаның мәні кәмелет жасына толмаған жасөспірімдердің белгілі бір кітапті оқып шығып, түсінігін айту немесе эссе жазу арқылы өз білімдерін шыңдау. Кітап оқу арқылы жасөспірімдердің өзіндік ой өрісін дамытуы, қоршаған ортаны, дүниені және өзін-өзі тануға көмектеседі, яғни оқу арқылы өткен тарихыңды, болашағыңды біле аласың. Сондай-ақ кітап жасөспірімдердің кемелденуіне көмектеседі, сөздік қорын байытады және жалпы сауаттылық деңгейін арттырады. Адам бойында шығармашылық қабілеттерді дамытады. КІТАП- көңіл-күйді өзгертуге, талдауға, сараптауға, өзіндік пікір қалыптастыруға үйретеді. Демек ми үшін кітап оқу денеге жасалған физикалық жаттығу секілді.
Мыркалиева Меруерт
