Құлан агротехникалық жоғары колледжінде 24 қазан — Кітапханашылар күніне орай «Кітапханашы – мерейлі мамандық» тақырыбында Т.Рысқұлов аудандық кітапханасының қызметкерлерімен мазмұнды кездесу өтті.
Шараның мақсаты – кітапханашы мамандығының қоғамдағы маңызын насихаттау, жастарды кітап оқуға баулу және рухани құндылықтарды дәріптеу. Кездесу барысында студенттер қонақтарға жылы лебіздерін білдіріп, кітап пен кітапханашыға арнаған жүрекжарды өлеңдерін оқыды.
Іс-шара қонақтары студенттерге өздерінің кәсіби жолы, кітапхана жұмысының ерекшелігі, оқырманмен байланыс және цифрлық замандағы кітапханашының рөлі жайлы ой бөлісті. Сонымен қатар, жастардың кітапхана саласы бойынша сұрақтарына жауап беріп, оларды көркем әдебиетке жақын болуға, кітап оқуды күнделікті дағдыға айналдыруға шақырды.
Іс-шара барысында кітапханашылар студенттерге көркем әдебиетке байланысты викториналық сұрақтар қойып, студенттердің білімдерін тексерді. Кездесу жылы жүздесуге, рухани байлықпен сусындауға толы әсерлі шараға айналды.
