OECD ұйымының жаңа зерттеуі көптеген елдерді алаңдатып отыр. Дамыған елдерде ересектердің 20%-ы оқу және арифметика бойынша 10 жастағы баланың деңгейінде ғана білім көрсете алады. Бұл көрсеткіш ғаламдық білім беру жүйесіндегі күрделі мәселелерді көрсетеді.
Зерттеуге сүйенсек, кейінгі 10 жылда сауаттылық деңгейі тұрақты түрде төмендеген. Ең қызығы, ХХ ғасырда тұрақты түрде өсіп келген IQ көрсеткіштері қазір бірқатар елдерде тоқырап, кейбірінде төмендеп жатыр. Сарапшылардың пікірінше, бұл тенденция цифрлық дәуірде ақпаратты дұрыс қабылдау мен сыни ойлау қабілетінің әлсіреуіне байланысты болуы мүмкін.
Мұндай статистика тек жеке адамдардың ғана емес, сонымен қатар ұлттық экономикалардың да болашағына қауіп төндіреді. OECD зерттеушілері білім беру жүйесін қайта қарау қажеттігін айтып отыр. Атап айтқанда, олар функционалдық сауаттылықты арттыруға, яғни адамдардың алған білімін күнделікті өмірде қолдану қабілетіне ерекше назар аудару керектігін айтады.
turkystan.kz
