Әлеуметтік сала өкілдерімен кездесу өтті

Бүгін аудан әкімінің орынбасары Бегалиев Берік Дүйсенбайұлы әлеуметтік салалардың басшыларымен жиын өткізді.
Жиынға аудандық мәслихаттың төрағасы Көкрекбаев Мұратбек Болысбекұлы және «AMANAT» партиясы аудандық филиалының төрағасы Шағатаева Күлайым Жексенбіқызы қатысты.
Басқосуда әлеуметтік салалар бойынша алдағы уақытта атқарылатын жұмыстар қаралып, меже мен міндеттер нақтыланды. Берік Дүйсенбайұлы халықпен етене жұмыс істеп, тұрғындармен тікелей байланыс жасайтын, сондай-ақ ел ішінде тұрақталық пен қоғамның қауіпсіздігін қамтамасыз етуге жауапты әлеуметтік сала өкілдері екенін жеткізіп, сала мамандарына жүктелетін жауапкершіліктің жоғары екенін баса айтты.
Сонымен қатар Берік Дүйсенбайұлы әр сала бойынша жеке тоқталып, ондағы мәселелі жайттарды тілге тиек етті. Білім беру, денсаулық сақтау, спорт және мәдениет, ішкі саясат, әлеуметтік қамсыздандыру, жұмыспен қамту, жастар саясаты салалары бойынша жауапты басшыларға нақты тапсырмалар берді.
Одан кейін, аудандық мәслихат төрағасы Мұратбек Болысбекұлы ой қосып, халыққа сапалы қызмет ету бәріміздің ортақ міндетіміз екенін атап өтті.
Айта кетейік, Берік Дүйсенбайұлы 2023 жылдың 1 шілдесінен бастап, Меркі ауданы әкімінің орынбасары қызметін жалғастыруда.