Ақмола облысы Зеренді ауданындағы Үлгілі сарқырмасына 45 жастағы ер адам құлап кетті.
Оқиға кеше күндізгі сағат 15:00 шамасында болған. Суға құлаған 45 жастағы ер адамның жарақаты ауыр. Ер адамның қабырғасы, иығы сынған, басы жараланған.
«Сарқырама аумағына ескерту белгісі орнатылған. Сондай-ақ ескерту лентасы тартылған. Полицейлер кезекшілік етеді. Орманшылар дыбысты күшейткіш арқылы қауіпсіздік шаралары туралы ескертеді. Соған қарамастан, адамдар қауіпсіздік ережесін елемейді», – дейді әкімшілік қызметкерлері.
