🔹Ш.Уәлиханов атындағы Жамбыл облыстық әмбебап ғылыми кітапханасы Қазақстан Республикасы Ұлттық ұланы «Оңтүстік» өңірлік қолбасшылығы 5513 әскери бөлімімен бірлесіп 22 наурыз мейрамы қарсаңында сарбаздар арасында наурыз мейрамын атап өтті.
🔹Наурыз – халқымыздың бірлігінің берекесі, шынайы тірлігіміздің мерекесі. Ұлттық өркениетіміздің өлшемі. Қазақ елі бұл мейрамды қашанда биік көңілмен, кең пейілмен ерекше қарсы алады. Наурызды ұлықтау – халқымыздың салты мен дәстүрін жаңа кезеңге көтеру. Осындай мерейлі мейрамда ұлттық нақыштағы киім киген әскерилер өз өнерлерін ортаға салып, мерейлі мерекенің көркін кіргізді. Қазақи дәстүр бойынша бата беріліп, шашу шашылды. Сарбаздар арасында «Қол күрес», «Асық ату», «Арқан тарту» сынды ұлттық ойындар ұйымдастырылды. Сондай-ақ ұлттық тағамдар дайындалып, сарбаздарға ұсынылды.
Жамбыл облысы мәдениет басқармасы
#жамбылмәдениетақпарат
