Жамбыл облысы бойынша ҚАЖ департаментiне қарасты №25 мекемесінде 25 қазан – Республика күнi мерекесіне орай сотталғандар арасында жоспарға сәйкес спорттық және мәдени іс-шаралар өткізілді.
Жамбыл облысы бойынша ҚАЖД №25 мекемесiнде сотталғандармен тәрбие жұмыстары жүргізіледі. Осы жұмыстардың бiрi – сотталғандардың салауатты өмір салттарын арттыру. Осыған орай мекемеде жазаларын өтеп жатқан сотталғандардың арасында мәдени-спорттық іс-шаралар өткізілді. Аталған іс-шаралар сотталғандардың сап көрiнiсiмен басталды.
Жиынның ресми бөлімінен соң спорттық iс-шаралар жалғасын тапты. Онда жазасын өтеушілер арасында арқан тартыс, футбол, қол күресі, қашықтыққа жүгіру, белтемірге тартылу секілді спорттың түрлерінен жарыс ұйымдастырылды. Тартысты сайыстарда өз мықтылығын көрсеткендер үздік шығып, жеңiмпаздар анықталды.
Аталған іс-шара сотталғандарға оң әсер тигiзгенi анық болды. Осылайша Республика күніне арналған спорттық, мәдени iс-шаралар өз деңгейiнде өткізілді. Аталған іс-шараларға белсенді қатысқан сотталғандар мекеме бастығының алғысына ұсынылды.
