Бүгін аудан әкімі аппаратының кезекті кеңесі өтіп, оны аудан әкімі Әлихан Балқыбеков ашып, жүргізіп отырды. Кеңесте тоғыз мәселе қаралды.
Кеңеске аудан әкімінің орынбасарлары С.Төлегенов, Ж.Исақов, Е.Әмірханов, бөлім, құқық қорғау органының, мекеме, кәсіпорын басшылары және бұқаралық ақпарат өкілдері қатысты.
Кеңес басталар алдында аудан басшысы жиынға қатысушыларға халық сайлауы нәтижесінде Мойынқұм ауылдық округі әкімі болып сайланған Мынбаев Мақсат Қуанышұлын таныстырып, оған сәттілік тіледі.
Алдымен аудан әкімінің орынбасары Сәбит Төлегенов Ұлыстың ұлы күні Наурыз мерекесін өткізу барысы туралы баяндады. Аудан әкімі Наурыз мерекесін аудан, ауыл, ауылдық округте барынша ұйымшылдықпен және тәртіппен өткізу керектігін айтты.
Сондай-ақ жиында аудан елді мекендерінде 2022 жылы атқарылатын спорттық іс-шаралар, әскер қатарына шақыру маусымы, аудандағы азық-түлік мәселесі, I- тоқсандағы қаржының игерілуі, аудандық бюджеттің атқарылуы, құрылыс жұмыстарының жобалық сметталық құжаттарының жай-күйі, аудандағы пилоттық жобаның проблемалық мәселесі және мемелекет басшысы Қасым-Жомарт Кемелұлы Тоқаевтің «Әкімдердің халықпен кездесулерін өткізу туралы» жарлығына сәйкес облыс, аудан, ауыл, ауылдық округ әкімдерінің есебінің бөлінісі туралы мәселелер көтеріліп, талқыланды.
Жиын барысында аудан әкімі көтерілген мәселелер бойынша бөлім басышларының анықтамаларын тыңдап, тиісті басшыларға жұмыстарын ширату керекетігін айтты. Сонымен қатар аудандағы сенбілік жұмыстарының өз деңгейінде жүргізілмей жатқанын айтып, осы сенбілікті тиянақты ұйымдастыру қажеттігін ескертті.
Мойынқұм ауданы әкімдігі
