Маңғыстау облысында аудандық ішкі істер бөлімі бастығының орынбасары ұсталды, деп хабарлайды Stan.kz ақпарат агенттігі. Бұл жөнінде ішкі істер министрлігінің ресми сайты жазды.
«9 қаңтарда жедел-іздестіру іс-шараларын өткізу барысында Маңғыстау облысы бойынша ҰҚКД және Маңғыстау облысы Полиция департаментінің Өзіндік қауіпсіздік басқармасының қызметкерлері сыбайлас жемқорлық құқық бұзушылығы үшін Бейнеу ауданы полиция бөлімі бастығының орынбасары Т. Есмағанбетовты ұстады», — делінген сейсенбі күні тараған ақпаратта.
Полиция қазіргі уақытта тергеу әрекеттері жүргізіліп жатқанын атап өтті. Тергеу мүддесі үшін өзге ақпарат жария етілмейді.
https://stan.kz/mangistau-oblisinda-audandik-policiya-bastiginin-orinba-375950/