Маңғыстау облысында жүргізуші мысықтың марғауын жол үстіне лақтырып жіберген (видео)

Маңғыстау облысында жеңіл көліктің жүргізушісі мысықтың марғауын жол үстіне, дәл көліктердің астына лақтырып жіберген, деп хабарлайды Stan.kz ақпарат агенттігі.

Оқиға Мұнайлы ауданындағы «Татьяна» бау-бақша серіктестігінде, 1 шілдеде таңертең болған.

Видеодан көлік жүргізушісінің мысықтың марғауын жол үстіне лақтырғанын көруге болады. Осы сәтте жанында жүк көлігі жүріп келе жатқан. Мысық көлік астынан қашып шыққанымен, екінші көлік қағып кеткен. Кейін марғаудың орнынан тұрып, әрі қарай кетіп қалған.

Әлеуметтік желідегі видео астында азаматтар көлік жұһүргізушісін тауып, қатаң жазаға тартуды сұрады.

«Жануарға қатігездік танытып, апатты жағдай тудырған! Заң бойынша жазаға тартуды сұраймыз».

«Мысықтар – мұсылмандар үшін киелі. Мұны істеген адам туыстары мен балаларды да лақтырып жібере алады», – деп жазды екінші қолданушы.

https://stan.kz/mangistau-oblisinda-zhurgizushi-misiktin-margauin-zhol-366883/