Еліміздегі әлемжелі жұлдызы Ерболат Жанәбіловтің шаңырағы тағы бір сәбимен толықты. Келіншегі шекесі торсықтай ұл туып берді.
Эльмира Төлегенова үшінші нәрестесін су толы ваннада босанып, жұртты сары уайымға салды, деп хабарлайды Экспресс К.
Сәбилі болған жұлдызды жұп қуанышты жаңалығымен instagram-дағы парақшасында бөлісті. Эльмира Төлегенованың бүгінде 7 жарым миллионға жуық оқырманы бар. Содан болар келіншек өзінің толғатқан сәтінен босанғанға дейінгі кезеңді тұтастай парақшасына жүктеп отырды. Ал оның қиналған әр бейнежазбасын жібермеуге тырысқан желі қолданушылары қатты уайымдады.
Тіпті видео тізбегінде су толы ваннада жатқан блогер «Мальдив аралдарында жатқандаймын» деп әзілдеуге де тырысты.
Әлеуметтік желі жұлдыздарының қуанышты жаңалығына құттықтау тілектерін жазған оқырман көп. Бәрі де сәбидің саулығын, отбасы мүшелерінің амандығына ниетті екенін білдіріп жатыр.
