Қазақстан Республикасының Еңбек сіңірген қайраткері, Жамбыл облысының Құрметті азаматы, ақын Маралтай Райымбекұлының шығармашылығын насихаттау, талантты тұлғаның шығармашылығын халық игілігіне айналуына жол ашу, жас ақындарға рухани қолдау көрсету мақсатында Сарысу аудандық мәдениет үйінде Облыстық «Маралтай оқулары» байқауы басталды.
Барлық аудандардың, Тараз қаласының жүлдегерлері , 6-11 сынып оқушылары бақ сынауда. Байқау облыс әкімі Е.Қарашөкеевтің, оқу ағарту министрі Ғ. Бейсенбаевтың құттықтауларымен ашылды.
Байқауға жазушы, журналист, ҚР Еңбек сіңірген қайраткері, ҚР Парламенті Сенатының депутаты Н. Жүсіп, ақын, ҚР Еңбек сіңірген қайраткері, ҚР Мемлекеттік силығының лауреаты Ғ.Жайлыбай, ақын, журналист “Aq jol” газетінің бас редакторы Хамит Есаман қатысып, құттықтауларын арнады.
Мейірхан Азатұлы Өмірбек,
Жамбыл облысы білім басқармасының басшысы
