Ағымдағы жылдың маусым айында Қазақстан құрама командасы математикадан Халықаралық Балқан олимпиадасына (JBMO) қатысу үшін Босния және Герцеговинаға ұшып кетті.
Биыл JBMO 28 маусым мен 3 шілде аралығында Сараевода офлайн форматта өтті. Олимпиадаға барлығы 18 елден, 130 білімпаз қатысты.
Ұлттық құрама командасы 2022 жылғы республикалық олимпиаданың 6 жеңімпаздары мен жүлдегерлерінен құралды. Жамбыл облысынан құрама команда мүшесі ретінде облыстық дарынды ер балаларға арналған мамандандырылған «Білім-Инновация» лицей-интернатының 9 сынып оқушысы Шарел Марғұлан қатысып бақ сынады. Бұл олимпиада қазақстандық оқушылар үшін жаттығу сипатында болады, себебі авторлық есептер қандай да бір дәрежеде математикадан халықаралық олимпиадалардың силлабусы бойынша құрастырылады, оларды шешуге міндетті түрде күтпеген және бірегей тәсілдеме талап етіледі. Бұл барлық қатысушылар үшін олимпиадалық есептерді өте қысқа мерзімде шешу қабілеттерін сынауға жақсы мүмкіндік береді. Жасөспірімдер арасындағы математикадан Халықаралық Балқан олимпиадасының қорытындысы бойынша Шарел Марғұлан 
алтын медаль иегері атанды.
Дарынды оқушымызды жеңісімен құттықтаймыз және дайындаған жетекшісіне алғыс білдіреміз!